REVOLTAS DE ESCRAVOS E A CONXURACIÓN DE CATILINA

 

AS REVOLTAS DE ESCRAVOS E A AMBICIÓN DE PODER/ CAOS POLÍTICO

- A Rebelión de escravos de Espartaco 73 a.C.

•       Xa houbera varias revoltas no sur de Italia onde había maior concentración de escravos, pero un escravo tracio chamado Espartaco provocará o terror en Roma ao derrotar a varios exércitos. Despois dun tempo de incertidume, unha acción conxunta de Craso e de Pompeio rematará coa súa intención de abandonar Italia. Miles de escravos serán crucificados.

- A Conxuración de Catilina 63 a.C. contra Cicerón.

•       Un intento de golpe de estado por parte deste líder ambicioso dos populares chamado Catilina que estivo a punto de aniquilar ao cónsul electo Cicerón, dos optimates, que descubrirá a conspiración no propio Senado pronunciando un famoso discurso “As Catilinarias”. Non sería o último dos disturbios nunha situación caótica.

O Episodio de Mario e Sila

 

A ÉPOCA DE  MARIO E  SILA:

 O empobrecemento dos pequenos campesiños foi o detonante dos cambios na economía que estaba pasando a ser unha economía imperial  Grandes territorios conquistados numerosos escravos o que facía que o trigo e outros produtos dos que vivían os pequenos campesiños itálicos pasasen a ser máis baratos consecuencia da mao de obra barata que eran os escravos. Como se solucionou o problema? Afondando na crise da República como veremos. 

  Do exército profesional á guerra civil

•       Mario: Este xeneral de orixe humilde, do partido dos populares,  vencedor en varias guerras de conquista, foi elixido cónsul no 107 a.C, cargo que logo ocuparía en varias ocasións. Emprendeu unha reforma militar consistente na profesionalización do exército, solucionando por unha banda o problema de empobrecemento dos pequenos campesiños e abrindo, por outra, a porta a que un xeneral, baixo as promesas de pagas e prebendas ao licenciarse, procurase a fidelidade dos seus soldados e que se utilizasen os exércitos con intereses particulares ditados pola ambición de poder.

Revoltas de aliados e a guerra civil.

•     Había un descontento dos aliados itálicos ante a negativa de Roma de concederlles a cidadanía romana. Estas comunidades organizaron un estado paralelo ao romano. O estado romano acabou cedendo ás peticións dos aliados. A cifra global de cidadáns achegouse ao millón.

•       Lucio Cornelio Sila era un optimate descendente dunha familia patricia arruinada. Pero conseguira solucionar o conflito cos aliados e foi elixido cónsul polos conservadores. Mario organiza unha revolta e acaba expulsando a Sila da cidade. Pero Sila volverá vencedor ocupando militarmente Roma por vez primeira. Nestes momentos, Roma tiña problemas con Mitrídates VI, rei do Ponto, quen se apoderara da provincia de Asia e parte de Grecia. Sila foi o encargado de solucionar a guerra contra este rei, momento no que Mario volve a ocupar o poder. Á volta de Sila á cidade provoca unha guerra civil (84 a.C) cos partidarios de Mario, aos que elimina un a un, nomeándoselle logo dictator (con todos os poderes concentrados nunha persoa durante tres anos). Sila contaba cun exército leal ao que recompensara cos recursos obtidos de Oriente. Estableceu que as proposicións de lei dos tribunos da plebe debían ser aprobadas polo Senado antes de proceder á súa votación na asemblea do pobo.

Quarta declinatio

Visualiza este vídeo e logo realiza os exercicios que se propoñen máis abaixo:

1- Copia a táboa coas desinecias para declinar as palabras da 4ª declinación do latín:

2- Dos seguintes substantivos  identifica co teu declinator a que declinacion pertencen cada un. Pon especial atención en descubrir cales son da 4ª declinación:

quercus,i(f)  aqua,ae(f), ver, veris (n), carrus,us (m), rex,-gis (m) mons, montis(m)

genu,-us(n), dies-ei(m), Roma, -ae (f), ficus,i (f) templum, -i(n), fluvius, -ii (m)

manus, us (f), copia,-ae(f), ager,agri(m) Venus, -eris (f) Iuppiter, Iovis(m) hostis, is (m)

miles,-itis(m), exercitus, us (m), Romulus, -i (m), nauta,-ae(m) Cartago, -inis (f) pax, cis(f)

3- Declina a seguir as palabras da 4ª declinación da lista anterior.

4ª Analiza e traduce as seguintes oracións con palabras da cuarta declinación:

Exercitus romanos Hanibal timet.

Hanibal, -is(m) Aníbal. 

timeo,es,ere: temer

                                          Romani hostium impetum non timebant.

hostis-is(m) inimigo

impetus, us (m): ataque

                                   

                                    Senatus magnum exercitum in hostes misit. 

Senatus, us (m): Senado

mitto, -is, -ere, misi ( enviar)

                            Caesar equitatum exercitus in cornibus collocavit.

Caesar. -aris (m): César

equitatus, us (f) cabaleiría

cornu- us (n) en plural ás laterais (do exército)

coloco, as,are, avi: colocar, situar.

SCIPIONES VERSUS GRACI

 COMEZA UNHA LOITA POLA EQUIPARACIÓN DE PODERES ENTRE PATRICIOS E PLEBEOS POR QUE?

Rematadas as Guerras Púnicas comeza o que coñecemos como a Crise da República. Miles de escravos produto da terra, un extenso territorio baixo o control de Roma e a ambición dos poderosos por aproveitarse da situación son tres elementos esenciais a ter en conta.

QUE ERA UN TRIBUNO DA PLEBE? Os maxistrados que defendían aos plebeos, escollidos polos propios plebeos e con poder de veto ás decicións do Senado eran realmente un contrapoder. Pero como lograran este tipo de maxistrados os plebeos? Non fora fácil. As primeiras concesións dos patricios foran aqurelas que lles arrincaran os plebeos cunha especia de folga e negarse a seguir loitando por Roma, mesmo ameazar con constituír unha cidadde aparte.   

A  DRAMÁTICA HISTORIA DE TIBERIO GRACO E O SEU IRMÁN CAIO GRACO.

Unha película sobre o tema

AS GUERRAS PÚNICAS

 Visualiza o seguinte documental e logo realiza un resumo de non menos dunha cara dun folio sobre o contido do mesmo, describindo as tres Guerras Púnicas, un dos feitos históricos máis determinantes dos cambios que se producirán durante a República romana.  Para entregar na próxima clase. 

IDUS DE MARZO

 Esa expresión de Idus de marzo, de onde vén? De Roma, claro está e ten que ver co:

 Calendario Romano

e con Iulius Caesar.

 

Secunda Avaliatio (2ªAvaliación)

 GRAMATICA

Tertia declinatio

Adiectivus secundae et primae declinationis

Secunda declinatio

Prima declinatio

Verbum: Tema de perfecto

Futurus

Praesens et imperfetus

CULTURA

Aeneas et Virgilius

O abies, O abies!

Ianuarius

As mulleres na fundación de Roma

Februarius 

 Introitus. 

Da sociedade da gens. Da monarquía á república

LABORES

Officia

Daedalus

Puer improbus

Post Aeneam

Aeneas